მანჯუკიჩი საუკეთესო ხორვატია

ხორვატიის 2012 წლის საუკეთესო მოთამაშედ ჟურნალისტებმა ნაკრებისა და მიუნხენის ბაიერნის თავდამსხმელი მარიო მანჯუკიჩი აღიარეს. რეფერენდუმი გაზეთ ვეჩერნი ლისტის მიერ იყო ორგანიზებული.

„2012 წელი განსაკუთრებული იყო, ეს ჯილდოც ძალიან მახარებს, თუმცა შემიძლია ვთქვა, რომ 2013 წლისგან გაცილებით მეტს ველი“, – განაცხადა 26 წლის ფეხბურთელმა, რომელმაც ტიტული პირველად მოიგო. მან 104 ქულა დააგროვა, მეორე ადგილზე კი 93 ქულით შარშანდელი გამარჯვებული, მადრიდის რეალის ნახევარმცველი ლუკა მოდრიჩი გავიდა.

მარიო მანჯუკიჩმა ევრო 2012-ზე გაიბრწყინა: ქვეყნის პირველი გუნდის მაისურით 3 გოლი გაიტანა და მიუხედავად იმისა, რომ ხორვატია ჯგუფიდან ვერ გავიდა, ფეხბურთელმა უკეთეს კლუბში გადაინაცვლა – 26 ივნისს მიუნხენის ბაიერნთან გააფორმა კონტრაქტი. მანამდე ის ვოლფსბურგში თამაშობდა. ახალ კლუბთან ერთად მანჯუკიჩმა გერმანიის სუპერთასი მოიგო, ბუნდესლიგის პირველ წრეში კი 15 მატჩში 9 გოლი გაიტანა.

ხორვატიის საუკეთესო ახალგაზრდა მოთამაშედ სპლიტის ჰაიდუკის ამომავალი ვარსკვლავი ფრანკო ანდრიაშევიჩი აღიარეს.

საუკეთესო ფეხბურთელი (გაზეთი ვეჩერნი ლისტი)
2012 – მარიო მანჯუკიჩი (მიუნხენის ბაიერნი, გერმანია)
2011 – ლუკა მოდრიჩი (ლონდონის ტოტენჰემ ჰოთსფური, ინგლისი)
2010 – ივიცა ოლიჩი (მიუნხენის ბაიერნი, გერმანია)
2009 – ივიცა ოლიჩი (მიუნხენის ბაიერნი, გერმანია)
2008 – ლუკა მოდრიჩი (ლონდონის ტოტენჰემ ჰოთსფური, ინგლისი)
2007 – ლუკა მოდრიჩი (ზაგრების დინამო)
2006 – ედუარდო (ზაგრების დინამო)
2005 – დადო პრშო (გლაზგო რეინჯერსი, შოტლანდია)
2004 – დადო პრშო (გლაზგო რეინჯერსი, შოტლანდია)
2003 – დადო პრშო (მონაკო, საფრანგეთი)
2002 – სტიპე პლეტიკოსა (სპლიტის ჰაიდუკი)
2001 – იგორ ტუდორი (ტურინის იუვენტუსი, იტალია)
2000 – ნენად ბიელიცა (ოსიეკი)
1999 – ზვონიმირ ბობანი (მილანი, იტალია)
1998 – დავორ შუკერი (მადრიდის რეალი, ესპანეთი)
1997 – დავორ შუკერი (მადრიდის რეალი, ესპანეთი) და რობერტ პროსინეჩკი (ზაგრების კროაცია)
1996 – დავორ შუკერი (მადრიდის რეალი, ესპანეთი)
1995 – დავორ შუკერი (სევილია, ესპანეთი)
1994 – დავორ შუკერი (სევილია, ესპანეთი)
1993 – ალენ ბოკშიჩი (რომის ლაციო, იტალია)
1992 – დავორ შუკერი (სევილია, ესპანეთი)
1991 – ზვონიმირ ბობანი (მილანი, იტალია)

საუკეთესო ახალგაზრდა ფეხბურთელი (გაზეთი ვეჩერნი ლისტი)
2012 – ფრანკო ანდრიაშევიჩი (სპლიტის ჰაიდუკი)
2011 – მატეო კოვაჩიჩი (ზაგრების დინამო)
2010 – შიმე ვრშალკო (ზაგრების დინამო)
2009 – მილან ბადელი (ზაგრების დინამო)
2008 – მარინ ტომაშოვი (ზადარი)
2007 – ნიკოლა კალინიჩი (სპლიტის ჰაიდუკი)
2006 – ანტე რუკავინა (შიბენიკი)
2005 – ლეონ ბენკო (ვარტექსი)
2004 – ლუკა მოდრიჩი (ზაპრეშიჩის ინტერი)
2003 – გორან ლიუბოიევიჩი (ოსიეკი)
2002 – ნიკო კრანჩარი (ზაგრების დინამო)
2001 – ივიცა ოლიჩი (ზაგრები)
2000 – კრუნოსლავ ლოვრეკი (ზაგრები)
1999 – ტომო შოკოტა (ზაგრების კროაცია)
1998 – იურიცა ვრანიეში (ოსიეკი)
1997 – სილვიო მარიჩი (ზაგრების კროაცია)
1996 – იურიცა ვუჩკო (სპლიტის ჰაიდუკი)
1995 – დარიო შიმიჩი (ზაგრების კროაცია)

ლაშა გოდუაძე (www.msy.gov.ge; 2013 წლის 3 იანვარი)